Канадскиот повеќекратно наградува музичар Брајан Адамс го објави новиот сингл “Brand New Day”, со кој го најави излегувањето на новиот албум со име “Get Up”, објави дискографската куќа. Албумот ќе содржи 13 песни, од кои девет потполно нови и четири акустични верзии. “Get Up” е рок колекција на песни меѓу кои наоѓаме побрзи песни како најавениот сингл “Brand New Day”, потоа песните “You Belong To Me” и “Thunderbolt”, а застапени и се и многу побавни песни како “Don’t Even Try” и “We Did It All”.
Адамс албумот дополнително го зачини со акустични верзии на песни во кои е нагласена единственоста на неговиот вокал. Најавениот сингл “Brand New Day” е достапен и во дигитален облик, а добил и свое видео во кое се појавуваат актерката Хелена Бонам Картер и пејачот на групата “Hurts” Тео Хакрафт. Освен во стандардна верзија, албумот на пазарот ќе се појави и во делукс издание на кој покрај музиката ќе се најде и ексклузивно интервју со Брајан Адамс. Покрај тоа, за љубителите и колекционерите на плочи, ова издание ќе биде достапно и во винилна верзија.
