На ова видео е прикажан дел од минатогодинешната  манифестацијата  која се одржува во Прилеп под  Марковите Кули и токму затоа оваа манифестација го носи името: Крале Марко Болдер Фестивал. Овие големи камени блокови под Марковите Кули стануваат се поатрактивни низ целиот свет, а голем показател за тоа е големиот број на пријавени учесници до Балканските земји, Европа и Америка.

Од година во година овој фестивал добива на се поголема популарност благодарение на овие видеа и искуствата кои ги пренесуваат учесниците на овој фестивал во своите земји. Оваа година на овој фестивал се очекува да присуствуваат повеќе од 500 качувачи од целиот свет, дел од нив и светски познати имиња во качувањето на Болдер. 

Болдер е стил на качување по големи камени блокови и за време на качувањето не се употребуваат  дополнителни средства за осигурување. Овој вид на качување обично  се практикува на големи природни камења или вештачки карпи во спортски сали.

Во оваа дисциплина најнагласени се: моќта, силата и динамичките движења на еден качувач. Нејзиниот фокус е на индивидуалните малубројни потези или кратки секвенци од потези на качувачот, за разлика од традиционалното качување (Алпинизмот) или спортско качување, кои генерално бараат поголема издржливост на поголеми делови од карпа.

Ohridnews