Во новата сезона во која амбизциозно влегува КК АМАК СП, најголемо засилување во преодниот рок е капитенот на актуелниот вицешампион Струмица, Ефтим Богоев. Подготовките течат по план, се чекаат уште неколку засилувања кои би го направиле АМАК СП конкурентен за врвот во домашниот шампионат за кој Богоев смета дека изгубил на квалитет.
– За сега се оди во најдобар ред, според планот на тренерот. Се уште не е затворен списокот на играчи , во исчекување сме на две до три засилувања на позициите 4 и 5. Домашниот шампионат за разлика од минатогодишнит е двојно послаб, така да АМАК СП има голема шанса да се најде на врвот.
Покрај домашната , оваа година АМАК СП ќе има и дополнителна меѓународна задача. Кошаркарите имаат задача да го претставуват Охрид и македонската кошарка во што подобро издание во Европа. Мошне драгоцено ќе биде искуството на струмичанецот во тие натпревари.
– Играњето во Европа е голем плус за македонската кошарка, екипите кои играат во тоа првенство располагаат со квалитетни екипи. За АМАК СП ова ќе биде прво вакво искуство и сигурно дека ќе дадеме се да се претставиме во најдобро светло , како клубот така и македонската кошарка.
