Фудбалерите на Влазрими под палката на стратегот Драган Бочески во Охрид ќе одработат десетдневни подготовки.
Сезонава амбициите на кичевскиот второлигаш се пласман во елитното друштво. Затоа стручниот штаб предводен од Бочески не случајно го одбра Охрид за брусење на формата.
Меѓу фудбалерите се наоѓа и охриѓанецот Ристе Маркоски, кој во зимскиот преоден рок од штипска Брегалница го засили Влазрими.
Кичевчани во Охрид ќе одиграат три контролни средби и тоа против Ренова, Шкупи и спрскиот клуб Јавор Ивањица.
Мх.П.