Победникот
на „Славјански Базар“ за 2012, нашиот Боби Мојсовски, го промовираше видео записот за моќната балада „Јас и ти“.
Песната е комбинација од оркестарски аранжман и
препознатливиот поп-рок стил на Боби кој е автор на текстот,
музиката е на Јован Василевски (Offside), а аранжманот и оркестрациите
се дело на Гоце Симоновски ( High Control).
– Видео записот го
работевме многу долго време заедно со добро познатиот режисер и
продуцент Даниел Јовески. Спотот е можеби најемотивната љубовна приказна
на нашите простори, визуелно раскажана во четири минути и наликува на
краток филм, во кој глумам јас и прекрасната Илариа. Се надевам дека и
песната и спотот ќе допрат до публиката, затоа што сите ние некогаш на
некој начин сме изгубиле некого– изјавува Боби.
Охрид,
железничката станица во Скопје, Споменикот на паднатите херои на
Македонија и вечниот оган се само неколку од локациите на кои беше
снимен видео записот, кој го режираше уште еден успешен охриѓанец, Даниел Јовески.
