Ноќеска во 01.45 часот, на крстосница од улиците „Боро Хаџиески – Путе“ и „Кузман Јосифоски – Питу“ во Струга, се случила сообраќајна несреќа помеѓу патничко возило „опел“ со струшки регистарски ознаки, управувано од 33-годишен жител од с.Радолишта, струшко и мопед „априлиа“ со струшки регистарски ознаки, управуван од малолетник од Струга.

Во несреќата со тешки телесни повреди се здобил малолетникот, констатирани во Специјалната болница „Св.Еразмо“ во Охрид. Извршен бил увид од увидна екипа од ОВР Струга, информира портпаролот на СВР Охрид Стефан Димовски.

Синоќа во 22 часот, на локален пат во струшкото село Долна Белица нарушен бил јавниот ред и мир со физички напад извршен од две лица од истото село врз 27-годишен жител на селото Дрслајца.

Против напаѓачите ќе биде поднесена соодветна пријава, посочи Димоски.

Вчера  во 10.35 часот на улица „Даме Груев“ во Охрид, полициски службеници од Одделението за недозволена трговија со дрога при СВР Охрид привеле 32-годишно лице од Охрид, кај кое била пронајдена и одземена марихуана.

По целосно документирање на случајот ќе следува соодветен поднесок, соопшти Димоски.

OhridNews