На 22.11.2024 во 21.30 часот, на улицата „Богомилска“ во Охрид, приведено е 44 годишно лице од Охрид.
Тој претходно викал и непристојно се однесувал кон случајните минувачи. Против него, ќе биде поднесена соодветна пријава, информираат од СВР Охрид.
На 22.11.2024 во 16 часот, во куќа лоцирана на улицата „Петар Поп Арсов“ сопственост на 53 годишно лице од Охрид, избувнал пожар.
Повредени лица нема, а интервенирала Територијалната противпожарна единица од Охрид.
На 22.11.2024 во 16.40 часот, во СВР Охрид пријавено е дека поради силен ветер, бил откачен кровот од зграда на улицата „Карпош Војвода“ во Охрид.
Истиот ден во 17.50 часот, силниот ветар предизвикал пад на дрво на улицата „Питу Гули“ во Охрид, при што, биле оштетени телефонски кабли и кабли од еден кабелски оператор. Притоа, нема повредени лица, додаваат од СВР Охрид.
OhridNews
