На 01.04.2025 во 14.20 часот во СВР Охрид е пријавено дека во село Делогожда, струшко, при извршување на работни задачи се здобилo со повреди 63 годишо лице од Охрид, вработен во фирма од Скопје.

Полициски службеници излегле на местото на настанот и извршен е увид во содејство со трудова инспекција, при што е констатирано дека при изведување на градежни работи околу канализациона мрежа се урнал дел од откоп од земја при што охриѓанецот се здобил со повреди и бил пренесен во специјалната болница „Свети Еразмо“ во Охрид, каде што се констатирани тешки телесни повреди, информираат од МВР.

За настанот е известен надлежен јавен обвинител од ОЈО Струга.

На 01.04.2025 полициски службеници од СВР Охрид лишиле од слобода лице постапувајќи по претходна пријава од страна на маж од Охрид, заради постоење сомнение за сторени кривични дела „противправно лишување од слобода“ (чл. 140 ст.1 од КЗ) и „изнуда“ (чл.258, ст.1 од КЗ), информираат од СВР Охрид.

Според пријавителот, инаку во роднинска врска со пријавениот, на 31.03.2025 околу 21 часот лицето дошло во домот на пријавителот и со пиштол, под закана го држел и физички го нападнал, барајќи од него да му препише во сопственост патничко возило и да добие вработување во фирмата на пријавителот. При тоа, консумирал и бела прашкаста материја. Откако пријавителот ветил дека ќе ги исполни барањата на лицето, заедно се упатиле кон фирмата на пријавителот, при што тој успеал да побегне и случајот го пријавил во полиција.

Лицето е лишено од слобода, а бил извршен и претрес во стан и други простории кои тој ги користи, при што се пронајдени пиштол, кеси со семки од канабис, остатоци од канабис, една дробилка. предмети со остатоци од бела прашкаста материја и друго. По целосно расчистување на случајот ќе следува соодветен поднесок.

На 02.04.2025 ОКП-ООК при СВР Охрид до ОЈО Охрид поднесе кривична пријава против 25 годишно лице од Охрид поради постоење основано сомнение дека сторил кривично дело „насилство“ по чл.386 ст.1 од КЗ.

Пријавениот на 30.03.2025 околу 00.30 часот на улицата „Партизанска“ во Охрид со употреба на метален предмет ги нападнал три лица и им нанел повреди.

На 01.04.2025 ОКП-ОНТДО при СВР Охрид до ОЈО Охрид поднесе кривична пријава против 39 и 34 годишни лица, двајцата од Охрид, поради постоење основано сомнение дека првопријавениот сторил кривично дело „неовластено производство и пуштање во промет на наркотични дроги, психотропни супстанции и прекурсори“, предвидено и казниво во чл.215 ст.2 од КЗ, а второпријавениот сторил кривично дело „спречување на докажување“, предвидено и казниво во чл.368 ст.1 од КЗ.

На 11.05.2024 откако првопријавениот набавил марихуана и кокаин од трето лице, околу 02.30 часот во своето патничко возило „сузуки“ му дал кокаин на второпријавениот, со цел да го подготви и заедно да го конзумираат. Во намерата биле спречени од страна на полициски службеници, при што во обид да го сокријат делото второпријавениот ја истурил опојната дрога кокаин од својот мобилен телефон на подот од возилото, додаваат од СВР Охрид.

OhridNews