Во тек е финалното шминкање на спортската сала Билјанини Извори. Наредната недела најавена е посета на Македонија, на делегација на Европската и на Интернационалната ракометна федерација.
Европската делгација ќе ја преставуваат високи гости од ЕХФ, на чело со генералниот секретар Михаел Видерер, кого ќе го придружуваат претседателот на Натпреварувачката комисија, Јан Туик, потоа директорката за европски првенства Моника Фликседер, како и тројца претставници на сопственикот на телевизиските права од ЕП што ќе се одржи од 2 до 14 декември
Во пресрет на инспekцијата на европската ракометната куќа во Охрид, се отстрануваат забелешките на салата.
Се работи на проширувањето на прес центарот, каде се инсталира електричната инсталација. Ходникот кој води до соблекувалните на екипите ќе биде реновиран, а се врши адаптација на нова просторија за службените лица.
Паркингот како и холтикултурното средување на просторот околу салата ќе биде последното нешто на кое ќе се работи .
Посетата на салата “Билјанини Извори“ во Охрид, ќе биде на 14 мај.
Мирко Постоловски
