Билјана го “отрезна“ Вигор ! !

Одличната  игра во одбраната во последниот период, како  и “затварањето“ на расположената Тантуровска, се покажаа одлучувачки во триумфот на Билјана 006 над шампионот Вигор 63-55. Охриѓанки ја прекинаа  победничката серија на шампионот и со втората победа во “оролоџото “ си ги зголемија шансите за пласман во разигрувањето.

–    По пропуштената шанса во Купот,  повеќе од потребна беше победата во овај натпревар. Со оваа победа ја продолжуваме битката за третата позиција на табелата – изјави капитенот Балазоска.
 
“Вигорки“ започна силно на стартот, а преку Тантуровска (16 п, 4/6 за три)  имаа минимална предност по првото полувреме 32-34. Колективната игра на “белите“ во продолжението даде резулат, а со поените на Н. Кузеска за прв пат во мечот стигнаа до предност 48-47. Маестрално во одбраната го одиграа последниот период охриѓанки,  во кој гостинките првите поени ги постигнаа на четири минути пред крајот. Со мирна игра во финишот охриѓанки го приведоа дерби мечот во своја корист.

Причината за поразот,  тренерот на гостите Видое Секулоски го гледа во опуштањето на девојките.

 – Добро дојден е овај пораз за нас, за да се освсестат девојките за да разберат дека превенството се игра до крај. Недозовленото опуштање и пристапот кон мечот на крајот се покажаа кобни за нас.

Во наредното коло в недела Охриѓанки во Билјанини го пречекуваат фенерџијата Куманово.