Без измени и со проверени имиња Катанец ке се обиде да стигне до посакуваните четри бода во дуелите со Шкотска и Холандија.

За голманската позиција ќе конкурираат Милошевски и Пачовски . Одбранбениот бедем ќе го составуваат Седлоски, Митрески, Лазаревски, Попов, Новески, Петров, Вајс, Грнчаров.Во средниот ред место ќе бараат Грозданоски, Тасевски, Положани Трајанов Шумуликоски, Демири, додека задолжени за голови ќе бидат Пандев, Мазнов,  Наумовски и Ристиќ.


– На прагот сме на нов квалификациски циклус во кој влегуваме со проверени сили, значи сите оние фудбалери кои во овој период настапуваа за националниот тим, играа заедно и сега се на потег да ги покажат своите вистински потенцијали.

На стартот имаме две тешки средби со најдоброрангираните селекции во групата Шкотска и Холандија. Сигурно дека ги респектираме но и ние имаме свои амбиции.. Наша задача е да одиграме онака како што игравме на последните дуели со Хрватска, Полска, Луксембург и верувам дека резултатите ќе дојдат сами по себе.

За овие две средби повикани се 20 фудбалери за кои се надевам дека ќе бидат подготвени и што е најважно здрави да го дадат максимумот. Засега на мала повреда се жали Илчо Наумовски но се надевам дека до 6. Септември ќе биде се во најдобар ред.

Собирот е на први Септември. Имаме доволно време да се подготвиме, да го задржиме континуитетот и со драгоцената подршка од навивачите да го дадеме максимумот против Шкотска и Холандија- изјави македонскиот селектор за веб страната на ФФМ.

ohridnews