Со цел стимулирање на социјалната интеграција на невработените лица и подобрување на нивните квалификации за идно вработување како и на вработени кои сакаат да се доквалификуваат и преквалификуваат, општина Охрид согласно Годишната програма на одделението за локален економски развој за 2025 година, мерка 1.3. Активни мерки за подобрување на конкурентноста на пазарот на труд на Општина Охрид, распишува конкурс за спроведување на бесплатни курсеви.
Курсевите се однесуваат на сметководство, готвачи, слаткари, монтер на нисконапонски инсталации, градинарство, како и за странски јазици (англиски-почетно/напредно, германски-почетно/напредно, словенечки–почетно). Предност за пријавување за овие курсеви имаат невработените лица, но и вработени кои сакаат да се докфалификуваат и прекфалификуваат, посочуваат од Општина Охрид.
За да се реализира одреден курс треба да се пријават најмалку 15 учесници. Општина Охрид го задржува правото некој од курсевите да не се реализира доколку нема заинтересираност.
Изборот на учесниците ќе биде по принципот “Прв дојден, прв услужен”.
Повеќе информации на линкот.
OhridNews
