По повод 18-ти Maj, Меѓународниот ден на музеите, влезот за посетители во сите објекти под надлежност на НУ Завод за заштита на спомениците на културата и Музеј-Охрид е бесплатен.
Целта е поголема промоција на културното наследство на Охрид и Охридскиот регион, но и генерално подигање на културната и јавна свест, велат од Установата.
Додаваат дека како дел од активностите кои се реализирани во претходниот период се и виртуелните реконструкции на гробницата од македонски тип кај локалитетот „Караѓулевци“ и римската гробница кај локалитетот „Видобишта“.
Со цел запознавање на јавноста за гробниците, виртуелните реконструкции ќе бидат проектирани во просториите на спомен куќата на Христо Узунов токму на 18-ти Мај. Апелираме до сите кои се во можност, а посебно до претставниците на помладите генерации да ја искористат оваа прилика да се запознаат со значајното културно наследство со кое располага нашиот град, велат од НУ Завод и Музеј Охрид.
OhridNews
