На забавата на Берлускони присуствуваа познати фудбалери кои оставиле силен печат во дресот на “росонерите“ како Марко ван Бастен, Руд Гулит, Дејан Савичевиќ, Кафу, италијанските легенди Франко Барези, Паоло Малдини и поранешниот тренер на Милан, Карло Анчелоти.
– Се надевам дека Милан во наредните 25 години ќе биде успешен како што беше во изминатиов период. Имам многу спомени кои ги чувам во мене и неможам да кажам кој ми е најубав, но еден можам да издвојам а тоа е финалето на Ноу Камп со Стеуа во Купот на Европските шампиони кога триуфиравме со 4-0. Тоа беше првиот победнички инстикт за мојот Милан – заврши премиерот на Италија, Силвио Берлускони.
Берлускони ги пофали сегашните фудбалери а не заборави да го поздрави неговиот миленик бразилецот Рикардо Кака.
