Бензинот од ноќеска на полноќ поскапува за 1,5 денари, додека екстра лесното масло за домаќинство за два денари. Цената на дизелот се зголемува за 2,5 денари, а цената на мазутот се зголемува за 1,406 денари.
Оваа одлука денеска ја донесе Регулаторната комисија за енергетика на редовната седница посветена на корекција на цените на нафтените деривати.
Новата цената на ЕУРОСУПЕР БС-95 изнесува 70,50 денари за литар, ЕУРОСУПЕР БС-98- ќе се продава по 72,00 денари за литар, а Екстра лесното масло за домаќинство (ЕЛ-1) 46,00 денари за литар
Цената на ЕУРОДИЗЕЛ (Д-Е В) ќе изнесува 57,00 денари, а цената на мазутот М-1 НС се зголемува на 32,493 денари.
OhridNews
