Малопродажната цена на нафтените деривати ноќеска на полноќ ќе се зголеми за 2,5 денари по литар, одлучи денеска Регулаторната комисија за енергетика.
Согласно одлуката на регулаторите, новата цената на Еуросупер 95 ќе изнесува 73,50 ден/лит, на Еуросупер БС-98 ќе изнесува 75,00 ден/лит, а Еуродизелот (Д-Е В) ќе се продава по 62,00 ден/лит.
Малопродажната цена на Екстра лесното масло за домаќинство (ЕЛ-1) се зголемува за дури три денари по лита, со што новата цена достигна 51,00 ден/лит.
Истовремено е донесена одлука за зголемување на цената мазутот М-1 НС се зголемува за 1,325 денари/кг . Така цената на М-1 НС изнесува 33,987ден/кг.
Во образложението на Регулаторната комисија се наведува дека просечната цена на сурова нафта на светскиот пазар во изминатиот 14-то дневен период изнесуваше 90,705 $/барел и е за 5,56 отсто повисока од просечната цена на сурова нафта по која беа формирани тековните цени на нафтените деривати.
Пред само две недели, Еуросупер БС-98 поскапе за два денара, а Еуросупер 95 за 1,5 денари.
извор:„Макфакс“
