Малопродажната цена на бензините ноќеска на полноќ се зголемува за 2,5 денари за литар, додека дизелот и екстралесното поскапуваат за два денара, одлучи Регулаторната комисија за енергетика.
Согласно одлуката, новата цена на Еуросуперот БС-95 изнесува 77,00 ден/лит, додека на Еуросуперот БС-98 изнесува 78,50 ден/лит.Еуродизелот (Д-Е В) од ноќеска ќе се продава за 67,50 ден/лит, а Екстра лесното масло за домаќинство (ЕЛ-1) по 56,00 ден/лит.
Малопродажната цена на мазутот се зголемува за 2,495 денари за килограм, со што новата цена изнесува 39,565 ден/кг.
Ваквата одлука регулаторите ја образложуват со поскапувањето на цената на суровата нафтата на светските берзи за 5,89 отсто во изминатите две недели.
Ohridnews
