Во првите шест месеци од годината на територијата во Охрид откриени се четири случаи на компјутерска измама. Вкупно на територијата на државата регистрирани се 29 кривични дела од оваа област, а пријавени се 34 сторители. Шестмина се бугарски државјани, а останатите се македонски државјани, од кои еден е охриѓанец.
Тие со неовластено подигање пари од банкомати од повеќе банки од земјата и купувајќи различни производи со фалсификувани платежни картички на повеќе продажни места, се стекнале со противправна имотна корист од над 19,5 милиони денари, соопшти МВР.
Од регистрираните расветлени се 26 кривични дела, а три дела се извршени од непознат сторител.
Ohridnews
