“Молекуларната методологија користена во детекција на Свинскиот грип”, “Ешерихија коли и Салмонела во храната”, “Микробиолошка безбедност на месото и другите прехрамбени продукти”, беа дел од темите на овогодинешниот Балкански и Македонски конгрес на микробиолози, што се одржа во Охрид од 28-31 октомври.
Балканскиот конгрес “Микробиологија Балканика” е собир на микробиолозите од Балканот, кој се одржува секоја втора година, во различни земји од регионот. Организатор на микробиолошкиот конгрес, кој годинава, се одржуваше по четврти пат, е Балканското друштво на микробиолози. Со цел да разменат професионални искуства, на овој научен собир, учество зедоа голем број доктори од Балканот, кои работат со дијагностика, лекување и превенција на инфективни заболувања.
Здружението на Микробиолози на Македонија, одржувањето на Балканскиот конгрес го процени, како голема шанса за меѓународна размена на искуства, папоради тоа тие, истовремено го организираа и четвртиот Македонски конгрес на микробиолози.
Е.Е.
