” Сите заедници кои не се споменати во Уставот, здружени се и заеднички ќе се изборат за своите права кои им следуваат. За оваа борба треба да се срушат многу бариери и многу стереотипи”, порача на свечениот собир кој се одржа по повод 20-годишнината на Сојузот на Балканските Египќани, претседателот Рубин Земон.
Д-р Рубин Земон зборуваше за интегративните процеси на малцинството во целокупниот живот и нивната интеграција во мултиетничко општество. – Египќаните треба да бидат вклучени како конститутивен народ во Преамбулата на Уставот на Република Македонија. Тоа е предвидено и со Рамковниот договор од Охрид, кој наложува целосна еднаквост на сите граѓани на Македонија, нагласи Земон.
На свечениот собир присуствуваа претставници на Египетските организации, здруженија и Заедницата од Република Македонија, Косово и Албанија, како и претставници на останатите малцинства и заедници.
Ohridnews
