На 5-ти јули (четврток) во Охрид започнува 46-от Балкански фестивал на народни песни и игри.
На фестивалот кој трае до 10 јули, годинава учество ќе земат 12 ансамбли од 8 земји. Во петте фестивалски денови пред охриѓани ќе се претстават ансамбли од Србија, Бугарија, Албанија, Турција, Црна Гора, Босна и Херцеговина и Македонија, а како гости ќе настапат и членовите на Македонското културно уметничко друштво од Австралија.
Фестивалот традиционално ќе започне со фолклорно дефиле низ улиците на Охрид, а свеченото отворање ќе биде на сцената на Долни Сарај.
И оваа година покровител на Балканскиот фестивал на народни песни и игри е Собранието на Република Македонија, а за негова реализација помогнаа Општина Охрид и други спонзори.
Јасминка Т. Момироска
