Актуелниот германски и европски првак, Баерн Минхен се одлепи на врвот од табелата во Бундес лигата, после триумфот 3-2 (1-1) во дерби пресметката со Борусија Дортмунд на „Сигнал Идуна Парк“.

„Милионерите“ и „баварците“ одиграа спеткуларно дерби во кое гостите од Минхен беа подобри за еден гол и ги однесоа трите бодови.

Голеадата ја отворија домаќините кои преку Марко Ројс во 45-та минута поведоа со 1-0. Во судиското продолжение од првиот дел Баерн Минхен изедначи со голот на Давид Алаба. На стартот од вториот дел Баерн Минхе го презеде водството. Стрелец беше Роберт Левандовски. Во 80-та минута Лерој Сане зголеми на 3-1, а малку неизвесност во дербито донесе Ерлинг Халанд кој намали на 3-2. Домаќините не постигнаа трет погодок и мораа да му честитаат на големиот ривал.

Баерн Минхен со 18 бодови е лидер на табелата во Бундес лигата. Второпласиран е Лајпциг со 16 бодови, додека на третата позиција се наоѓа Борусија Дортмунд со 15 поени.

  • Резултати:

Аугсбург – Херта 0-3

Мајнц – Шалке 2-2

Лајпциг – Фрајбург 1-0

Штутгарт – Ајнтрахт Франкфурт 2-2

Унион Берлин – Арминија Билифилд 5-0

Борусија Дортмунд – Баерн Минхен 2-3

OhridNews