Македонските фудбалски надежи под 21 година попладнево (15.30 ч. пренос МТВ1) на стадионот “Гоце Делчев“ во Прилеп ќе го одиграат првиот од двата септемвриски квалификациски натпревари за ЕП 2011. Деби на клупата со прв официјален натпревар ќе има новиот селектор Бобан Бабунски.
Имаме квалитет да изненадиме
– Англија е голем фаворит, но ние од напред нема да се предадеме. Добро знаеме кој е нашиот противник и повеќе од јасно им е на сите дека за да стигнеме до добар резултат ќе мора да се надминеме себе си. Очекувам огромна подршка од прилепската публика која дополнително ќе ги мотивира овие млади момци да се прикажат во добро светло и до стигнеме до поволен резултат. Момците со нетпрение го очекуваат овај натпревар, имаме квалитетен состав кој доста успешно може да им парира на англичаните. Техничката подготвеност и луцидноста како и големото име на противникот се нашите најголеми адути – рече Бабунски на последниот трениг на селекцијата пред заминувањето за Прилеп.
М.П.
