По повод донесувањето на Законот за измена и дополнување на Законот за утврдување на правен статус на бесправно изградени објекти, денеска ќе се одржи јавна дебата на тема „Уредување на правниот статус на бесправно изградените објекти” во организација на Државната комисија за спречување на корупцијата.
Според ДКСК, корупцијата е најизразена таму каде што има најмногу можности за злоупотреби и манипулации, а широк простор за злоупотреби и корупција има во урбанизмот и градежништвото.
Како пример може да послужат, донесувањето на генералните и деталните урбанистички планови, измената на урбанистичките планови заради легализација на бесправните градби наместо планирање на просторот, големиот број на бесправни градби, издавањето на дозволи за градење и располагање со земјиште кои се во постапка на денационализација, селективниот однос на општините и органите при уривањето на бесправните објекти и при санкционирање на прекршителите на законот, високиот процент нереализирани решенија за уривање на бесправно изградени објекти, големиот број на станбени и деловни згради меѓу дивоградбите, појасуваат од ДКСК за можната корупција во урбанизмот.
Охридскиот регион како заштитено подрачје не е опфатен со овој закон, бидејќи за него важат посебни одредби.
OhridNews
