Водата од Билјанини извори, во моментов е неупотреблива, тоа го потврдуваат последните резултати од нашите испитувања. Меѓутоа оваа состојба е променлива, во зависност од временските услови. За испитување на квалитетот на водата за пиење во Охрид, надлежна институција е Центарот за јавно здравје. Според тоа, ние сме обврзани да ја информираме јавноста односно граѓаните за сите состојби со водата за пиење. -изјави денес Атанаско Михаилов директор на Центарот за јавно здравје, во Охрид, како одговор на обвинувањата од Локалната самоуправа, дека ширел лаги и невистини за состојбата со водата во Билјанини извори.
Тој апелираше до локалните власти да ја остават дневната политика и политичките препукувања настрана од овој проблем.
-Со ваквите изјави на локалната, граѓаните се доведуваат во заблуда, затоа што што немаат точна иформација, дали водата е исправна или не. Според Законот за безбедност на вода кривично дело е, да соопштите дека водата е исправна за пиење, а врз основа на направените анализи, тоа да не е точно ,вели Михаилов.
Тој нагласи дека проблемот со загадувањето на Билјанини извори ќе биде присутен, се додека не се реши фекалната канализација во населбите кои се наоѓаат над изворите.
Ohridnews
