Четири од шест бода освои Дрита од двомечот со охридските второлигаши. По ремито 1-1 на домашен терен со ‘рибарите“ го напуштија Охрид со цел плен по мечот со “градежниците“ 1-0, благодарение на погодокот на Алии.

– Добро поминавме со охридските екипи, нашата релација со охриѓани е добра и мечевите изминуваат во спортска атмосфера во  надигрување во фер и коректен амбиент, што за нас преставува огромно задволство – вели стратегот на Дрита Јусуф Арифи.

Токму во Охрид, прекината беше серијата од шест кола без триумф, во која беа забележани ремија со водечките на табелата Тиквеш и Охрид и тоа со идентични 1-1

– Дрита беше во резултатска криза, од клубот заминаа седум – осум стандардни првотимци , но работата со младите категории сега почнува да излегува на виделина. Против екипата на Охрид Лоте, одигравме во затворена варијанта, и успеавме и физички и тактички да им се спортиставиме и од Охрид да си заминеме со позитивен резултат. Долго чекавме но на крај трпението ни се исплати – истакна Јусуфи.

На две кола пред крајот на есенскиот дел со 13 освоени бода се наоѓаат на “сигурната“ осма позиција на табелата. Во последните две кола играат против Ринија на домашен терен и гостуваат на Влазерими во Кичево.

Мх.П.