Незадоволството кај “отпишаните“ ракометари по скратувањето на составот за мундијалот во Шпанија не престанува. Веднаш по објавувањето на скратениот состав, со реакција се јави Мајнов, кој пред неколку месеци го критикуваше селекторот Шундовски за неговиот калкулантски однос.


Нов незадоволен ракометар е голманот на Металург, Петар Ангелов. Популарниот “диви“ долги години беше член на македонската селекција заедно со Борко Ристовски.

– Разочаран сум…Навистина не знам зошто сум изоставен од репрезентацијата за ова СП. Нема образложение од селекторот каде го загубив репрезентативното место. Учествував во проектот „СП Шпанија“ во бараж-мечот со селекцијата на Австрија, а претходно и на ЕП во Србија. Знам дека никој не е вечен во спортот, но сепак треба да се образложи сето тоа. Сметам дека Шундовски ова го сторил по диктат на некој од страна – истакна голманот Петар Ангелов.


До почетокот на мундијалот во Шпанија остануваат уште три седмици, а ракометарите за неколку дена ги започнуваат подготовките кои ќе се одвиваат во Хрватска и Србија.

Мх.П.