Делумно е ставен под контрола пожарот на Галичица, информира попладнево првиот човек на Центарот за управување со кризи, Стојанче Ангелов.
На лице место дејствуваат повеќе од 120 лица, меѓу нив ренеџери од НП Галичица, локалните пожарникари, вработени во Дирекцијата за заштита и спасување…, вклучително и доброволци граѓани за што посебно сме благодарни. Од страна на националните ресурси се употребени два хеликоптери, еден армиски и еден полициски, како и ер трактор на Дирекцијата за заштита и спасување, вели Ангелов.
Посочува дека сепак според најавите на Управата за хидрометеоролошки работи за дожд во овој регион, останува надежта дека ќе бидат скратени маките во борбата со огнената стихија на Галичица.
Инаку, на територијата на државата до 16 часот регистрирани се 25 пожари на отворен простор и шумски пожари од кои 8 се целосно изгаснати, а шест под контрола. Единаесет пожари се активни во моментов, но очекувањата е дека ќе се зголеми нивниот број во попладневните часови.
Н.С.Ј.
