Три победи во четири натпреварите е ефектот на охридските ракометари на домашен терен во досегашниот дел од сезоната. Горан Андоновски тренерот на охриѓани е задоволен од победата и бодовите кои охриѓани ги запишаа на нивното конто.
– Цело време ја имавме контролата на натпреварот и резултатот и мислам дека заслужено впишавме нови бодови на табелата. Нивниот чувар на мрежата го направивме како да е Дарко Станиќ со 19 одбрани од кои повеќето беа зицер позиции и ги спаси од повисок пораз. Сепак на крајот се бројат бодовите кои и многу значат за нас во Супер лигата. Во останатиот дел од сезоната не очекуваат далеку потешки натпревари и се надевам дека охридската публика ќе ужива во врвен ракомет – рече охридскиот стратег Горан Андоновски.
Во следната седма рунда од Супер лигата охридските „гладијатори“ гостуваат во Радовиш кај истоимената екипа.
Мх.П.
