Холивудската актерка Анџелина Џоли би требало да режира филм за ветеранот од Втората светска војна Луис Замперини, пренеле американските медиуми. Таа како режисер дебитирала со драмата за војната во Босна „Во земјата на крв и мед“ во 2011 година и сега е во завршни преговори за режирање на филмот “Unbroken”.
Филмот, чија реализација е во план веќе со години, ќе биде приказна за поранешниот олимписки шампион Замперини кој бил заробен во Втората светска војна. Сценариото за филмот, работен според книгата “Unbroken: A World War II Story of Survival, Resilience and Redemption” на Лора Хиленбранд, ќе го напише сценаристот Вилијам Николсон.
