Сообраќајот на сите магистрални и регионални патни правци се одвива отежнато и забавено поради врнежи од снег во целата држава. Коловозите се насекаде влажни и со остатоци од кашаст снег на повисоките места, информира Авто-мото Сојузот на Македонија.Информациите од АМСМ се дека на сите планински превои се проодни и нема забрани за движење на возилата. На сите возачи им се препорачува внимателно да ги управуваат своите возила, да ја прилагодат брзината на движење спрема моменталните услови на патот и да ја почитуваат поставената сообраќајна сигнализација..
На патните правци Маврово – Дебар, Скопје – Велес и Демир Капија – Удово почесто се бележат поситни одрони, кои редовно се расчистуваат од страна на екипите на ЈП “Македонија Пат“.
Интензитетот на сообраќај е умерен надвор од градските средини. На граничните премини нема подолги чекања.
