По големиот успех што го постигна македонската параолимпијка Оливера Наковска Бикова освојувајќи златен медал и поставувајќи светски рекорд во Игрите во Лондон, Агенцијата за спорт и млади и’ додели доживотна спортска пензија и носител на Националното спортско признание
Директорот на Агенцијата за спорт и млади. Лазар Поповски во неделата придружувајќи се на телеграмата со честитки на премиерот Никола Груевски до Оливера Николовска Бикова по повод значајнито успех постигнат на Параолимписките игри Лондон 2012, истакна дека честитката претставува „благодарност од целата македонска нација, за освоено прво место во стрелаштво на Параолимписките игри во Лондон“.
Како голем спортист кој успешно настапува на сите меѓународни натпревари, поставувајќи нов светски рекорд во дисциплината стрелање со воздушен пиштол со растојание од 10 метри во Лондон, вели Поповски, Бикова покажа како се бранат боите на македонското знаме.
„Вашиот успех, несомнено ќе претставува инспирација за сите млади и идни спортисти. По тој повод, во име на Агенцијата за млади и спорт, ве информирам дека со освојувањето на првото место во стрелаштво на Параолимписките Игри во Лондон, се стекнавте со правото на доживотна спортска пензија, односно станавте носител на Национално спортско признание“, се вели во телеграмата од првиот човек на АСМ
