Дипломатските преставници на САД и Франција во Македонија, кои денеска престојуваа во Охрид, со вешта дипломатска реторика ги коментираа завчерашните инцидентите за воената парада во Солун.И двајцата посочија дека за милитантната реторика на грчаката армија разбрале од македонските медиуми.
Американскиот амбасадор Рикер, рече дека заложба на САД е да се работи на вопсоставување добри односи меѓу сите држави во регионот.
–Наша цел во 21 век е да ја видиме Европа со граници кои обединуваат, а не разединуваат. Она што е битно во овој момент е обезбедување стабилност и безбедност за сите граѓани на Европа. Тоа го посакуваме за сите наши пријатели и сојузници во Европа вклучувајчи ги и оние на Балканот, истакна Рикер.
Францускиот дипломат, Бернар Валеро, со порака односите помеѓу Атина и Скопје да се фокусираат на процесот за изнаоѓање решение за спорот околу името, што се води со посредство на ОН.
-Она што ние го посакуваме, кога велам ние мислам на сите Европејци, е навистина да не се запре со воспоставената динамика во преговорите, односно истото да не биде забавено, туку токму спротивното, да биде што поинтензивно и навистина двете страни да можат што побрзо да дојдат до заедничко решение. И се разбира, секојдневно да работиме создавајќи мирољубива иднина и мислам дека тоа го прават и двете страни, и Атина и Скопје, за навистина да се надминат сите проблеми и да се фокусираме на суштината, а тоа е решение прифатливо за двете страни, рече Валеро.
