Аматерската селекција на Македонија на турнирот во Литванија стигна до победа совладувајќи го домаќинот со 3-0. Избраниците на селекторот Мите Митев до првиот триумф во група дојдоа благодарение на “езерската“ линија во селекцијата.
Трите погодоци за македонска аматерска селекција ги постигнаа фудбалерите на Караорман, Ивица Келешовски еден и Климе Далчески два.
– На дуелот со домаќинот забележавме сигурна и заслужена победа. Доминиравме во секој дел од теренот, головите ги постигнавме со мојот соиграч од Караорман и вниманието го насочуваме кон репрезентација на Азербеџан – рече Келешовски.
Охриѓанецот во репрезентација Томче Речкоски во игра влезе во 74-та минута на местото од Вардиноски.
Победата против Србија не е регистрирана откако “орлите“ доставиле жалба
за голманот Мирселовски, кој имал професионален договор. Жалбата на
србите им била освоена, натпреварот е регистриран 3-0 и бодовите им се доделени нив.
Мх.П.
