Се уште се сумираат импресиите од третото издание на Меѓународниот меморијален турнир „Крсте Андоновски“ што се одржа од 20 до 24 август во Охрид. Екипата на ГРК Охрид заврши на седмото место со скор од една победа еден нерешен резултат и два порази.
Тренерот на клубот Стевче Алушовски вели на натпреварите многу малку се спроведувало на терен тоа што се работело на тренинзите, но е задоволен од залаѓањето и желбата на играчите.
Резултатот е секогаш приоритет на екипа како Охрид која претендира да биде постојано учесник во Европските купови и да се бори за што повисок пласман. И кога ќе се изгуби и кога ќе се победи важно е како изгледаме на теренот и дали го спроведуваме тоа што го работиме. Мислам дека првите два натпревари против Вардар и Целје многу малку од тоа што работевме во припремниот период беше спроведено на терен и резултатот беше таков каков што видовте. Со Вардар едно катастрофално издание изгубивме со 13 разлика. Со Целје беше малку подобро промашивме некои битни шутови, меѓутоа јас повторно и да победевме немаше да бидам задоволен бидејќи не е тоа што го работиме на тренинг спроведено на терен, вели Алушовски.
Истакна дека и од натпреварот со Партизан е незадоволен од тактичката дисциплина. Единствено на натпреварот со Ловќен екипата изгледала така како што треба.
Сум задоволен од залагањето, желбата, не сум задоволен од резултатот, седми сме на турнирот. Останува напорно да работиме имаме уште две недели до почеток на првенството. Имаме уште три натпревари на турнирот во Прилеп, натпревари кои ќе ги искористиме повторно да видиме кој колку може и каде може да одговори на задачите кои ги барам и мислам дека ќе бидеме максимално подготвени за стартот на новата сезона, додаде Алушовски.
Г.М.