Со поддршка на општина Охрид, а во организација на Центарот за интегриран развој во петок со почеток во 17 часот кај охридскиот Скејт парк ќе се одржи голем урбан настан , „Алтернативно лето Охрид“.
Како што напоменуваат организаторите, главните компоненти на настанот се млади, музика и спорт, а целта е збогатување на охридскиот културен живот. Уникатноста на случувањето е што преку многубројни активности се настојува да се промовира урбаната култура со што ќе се придонесе кон поголема афирмација на локални артисти од алтернативната сцена.
Настанот ќе започне со скејт и БМХ натпревар. Во 21 часот ќе настапат неколку музички бендови. Предвидено е настанот да трае до 1 часот по полноќ. Ќе биде збогатен со улични артисти, жонглери, илузионисти, стенд-ап комичари.
OhridNews
