Познатото Smooth Jazz Радио од Флорида-САД, “Smooth Jazz WSJT 94.1” денеска и в четврток во утринската програма “Morning Show with Kathy Curtis”, ќе ја емитува музиката од новиот албум на охриѓанецот Владимир Четкар.
Емисијата во која ќе биде пуштана музика на Четкар започнува во 7:45 по локално време. Песните на Владимир ќе бидат емитувани во “New Music Moment” – дел oод утринското радиско шоу каде биле промовирани најновите синглови на врвни музичари од калибарот на George Benson, John Legend, Norman Brown, Sade и други. Утринското шоу ќе може да се слуша on line-во живо на http://www.wsjt.com/.
Веднаш потоа, во петок, Четкар ќе има интервју на британското радио BFBS Radio 1, во шоуто “Groove Collective” со Mario Chrisostomou. Интервјуто ќе започне во 21:00 (GMT Time) и сите заинтересиртани ќе можат да го проследат on-line на: http://www.ssvc.com/bfbs/radio/uk/groove_collective.htm.
И за крај вреди да се напомене одличната критика за албумот на Четкар “We Will Never End” на “Patriks Soul/ Funk Special” – една од најподатните станици за Soul и Funk музика, која со воодушевување зборува за мултиталентот на Владимир.
Проверете: http://www.soulfunkspecial.com/review_vladimir_cetkar.htm.
ohridnews
