Во делот на здравствено воспитната дејност, а во рамките на активностите за превенција од туберкулоза Црвен крст Охрид на 26 март започна реализација на проект „Целна интервенција кон ХИВ-ТБ ризичните групи”, подржан до меѓународната федерација на Црвен крст и Црвена полумесечина (МФЦК и ЦП).
Најпрвин на тродневен семинар за туберкулозата беа обучени 12 активисти на Црвен крст Охрид-волонтери кои во текот на април и мај ќе извршат теренска активност во 33 рурални населби-села во Охрид и Дебарца.
активисти на Црвениот крст во охридските села
При посетите во селата, активистите на Црвен крст Охрид преку непосреден разговор и со делење на едукативен материјал ги запознаваат жителите со симптомите, начините на пренесување и лекувањето на туберкулозата.
децата во руралните средини се најранлива категорија
После овие посети, во месец мај предвидено е да се одржат 8 работилници-презентации во поголемите, централните села, од регионот на Охрид и Дебарца.
Г.М.
