Кај месноста Прентов Мост на подрачјето на општина Охрид во моментов е регистриран активен шумски пожар кој е под контрола и се работи на негово ликвидирање.
-Се работи на ликвидирање на неколку преостанати жаришта на овој пожар, нема опасност од негово проширување. На лице место ангажирани се екипи на Подрачното шумско стопанство „Галичица“ со 11 лица и едно противпожарно возило и три пожарникари од Охридската противпожарна единица, информираат од Подрачната единица на Центарот за управување со кризи од Охрид.
Инаку Центарот за управување со кризи попладнево соопшти дека покрај пожарот кај Прентов Мост, до 16 часот регистрирани се и пожари кај село Рашче во општина Ѓорче Петров и кај село Крнино во општина Чашка. Како што информираат оттаму, во текот на денешниот ден биле локализирани и изгаснати пожари во општина Куманово кај село Облавце, во општина Прилеп кај село Сарандиново и во општина Кичево, кај село Арангел.
OhridNews
