Беше вистинско задоволство да се работи со еден од доајените на македонскиот филм. Човек од кого може многу да се научи, не само за филмот, туку и за животот воопшто. Вака режисерот Илија Пиперковски се сеќава на деновите поминати при снимањето на неговиот последен филм „Дедо и внук“, во кој забележителна улога има и Салаетин Билал, големиот актер кој замина пред да го види својот последен филм.
Билал почина по долго боледување, на 76-годишна вораст, на 10-ти мај 2018 година. Зад себе остави наследство од седумдесет одиграни театарски ролји на македонските професионални сцени, 40 телевизиски и филмски улоги кои ја одбележуваат неговата респектабилна кариера.
Премиерата на филмот „Дедо и внук“ ќе се одржи во петок, на 6-ти декември во Центарот за култура „Григор Прличев“ во Охрид, по која следува и кино дистрибуција низ целата држава.
Покрај Билал, во филмот играат и Дејан Лилиќ, Даниела Ивановска, Горан Стојаноски, Благој Веселинов и други актери, меѓу кои се истакна и тогаш 12-годишниот охриѓанец Наум Цветкоски.
OhridNews
