Висината на штетите од поплавата, која при крајот на годината, зафати неколку охридски населби, е утврдена и најверојатно ќе ја исплати општината. Ова го изјави градоначалникот Александар Петрески . Тој објасни дека Општинската комисија составена од неколку членови, веднаш по поплавите излегла на терен и ги посетила сите граѓани кои биле поплавени. При тоа бил направен записник за тоа колку изнесува вкупната штета, а локалната самоуправа во најското време ќе треба да постапи по истиот.
-Пред да пристапиме со исплата на штетата ќе почекаме извесен период , за да видиме дали ќе се исполни ветувањето кое што го даде пратеникот Цветко Грозданов дека тој ќе обезбеди средства од државата, за да се обештетат поплавените граѓани. На критичниот ден од поплавите, тој ги посети поплавените и пред медиумите, јавно им вети на граѓаните дека ќе ги обештети.-рече Петрески.
Тој вели дека состојбата со водотеците во охридско будно се следи и дека покрај обилните врнежи на дожд и снег, засега нема опасност од повторно излевање на реките, затоа што веќе се санирани проблемите кои најверојатно беа причина за поплавите.
Ohridnews
