Група француски архитекти и инженери предложиле Ајфеловата кула, која годишно е посетена од повеќе од 7 милиони луѓе, да биде претворена во џиновска зелена билка. Освен естетскa, овој проект би имал за цел кулата стара 122 години да ја прикаже и како симбол на екологијата и одржливиот развој. Иницијаторите на проектот имале намера да прекријат 327 метри од конструкцијата со 138 тони зеленило, односно 600 илјади билки.
Целата операција, во која ќе биде вклучено и поставуавње на систем за наводнување тежок околу 100 тони, би чинела близу 72 милиони евра. Експертите моментално размислуваат за најповолните решенија, а својата макета на еколошката Ајфелова кула би требало да ја претстават за една седмица. Ако се би одело според планот, садењето на билките би започнало во јуни 2012, а целиот проект би требало да биде завршен до јануари 2014 година, што е доволно билките да пораснат и да расцветаат. Иако зелената прекривка по две години би била отстранета од кулата, со тоа градот би докажал дека одлучно е свртен кон екологијата.
