Во врска со непријатностите кои ги доживеале руските туристи за време на кусиот престој во Охрид со реакција се јави Агенцијата за промоција и поддршка на туризмот. Таа го осудува таквиот однос кон руските туристи и бара од институциите да си ја вршат својата работа за што се задолжени, како и да се санкционираат пропустите околу нивното ненавремено пријавување во објектот во кој биле сместени, но и бирократите кои не реагирале на време за да им излезат во пресрет на туристите.„Во услови кога во ова време гости на АППТРМ се туроператори и новинари од Москва ваквите пропусти се недопустливи. Само да напомениме дека за Охрид и Струга новинарите на една од најмоќните ТВ куќи во Русија националната НТВ сними 45 минутна репортажа која ќе се емитува на рускиот пазар а ги опфаќа убавините на овие два града.АППТРМ ги повикува сите субјекти инволвирани во туризмот да се стават во функција за задоволување на потребите на домашните и странските туристи кои престојуваат во Р.Македонија се со цел да бидат задоволни од престојот во нашата земја“, се наведува во соопштението на Агенцијата за промоција на туризмот.
Ohridnews
