На територијата на Република Македонија моментно нема нелегални комерцијални радиодифузни друштва, тврди портпаролот на Агенцијата за електронски комуникации, Марјан Пејовски.Во текот на минатата година инспекциските служби извршиле надзор кај 90 легални и 91 нелегална радиостаница, при што издале 145 забрани за користење на радиофреквенциските опсези.
– Инспекцијата ја има поминато целата територија, при што е реагирано на база на прекршок и веќе се изречени решенија за забрана. Моментната состојба на теренот покажува дека нема нелегални радиостаници – изјави Пејовски.
Покрај кај нелегалните радиостаници, коишто емитувале програма без одобрение, кај легалните инспекторите реагирале поради злоупотреби со доделениот фреквенциски опсег, како што е зрачење со поголема јачина, што, пак, предизвикало пречки во други опсези.
Ohridnews
