Во текот на вчерашниот ден во Основниот суд во Охрид нарушен е јавниот ред и мир при што едно лице се здобило со удари со тупаници во пределот на главата, информираа од СВР Охрид.
Настанот се случил околу 15 часот во една од судниците во Основниот суд на завршетокот на судската расправа. Во еден момент, еден од адвокатите присутен во судницата го нападнал својот колега нанесувајќи му неколку удари со тупаници во пределот на главата. Судската полиција го спречила нарушувањето, а подоцна повредениот побарал лекарска помош.
Полициските службеници преземаат дополнителни мерки за целосно расветлување на случајот.
OhridNews
