сабота, ќе гостува кај Игокеа, во рамките на деветтото коло, во АБА
лигата.
Игокеа е најпријатното изненадување во досегашниот дел од сезоната во
Јадранската лига, екипата со шест победи и два пораза се наоѓа на делба
на првата позиција на табелата. МЗТ, на гостувањето патува по двете
победи во серија, во кои беа совладани евролигашите Олимпија и Цедевита.
„Oдиме на уште едно тешко гостување, кај противник кој покажа мoжеби и
најмногу во досегашниот тек од АБА лигата. Во последните два настапи
изгубија несреќно на гостувањата против Цедевита и Задар. Мора да се
каже дека екипата Игокеа е доста квалитетен и доста искусен тим, и ќе
биде еден тежок натпревар. Посакувам моите играчи да го дадат својот
максимум и да одиграат еден добар меч, па дали ќе биде тоа доволно за
нов триумф ќе дознаеме во сабота вечер“, изјави тренерот на МЗТ Скопје
Аеродром , Алеш Пипан.
За разлика од МЗТ, Игокеа, по перфектниот почеток, шест победи во првите
шест кола, на последните две забележа порази на гостувањата во Загреб и
Задар.
„Знаеме дека Игокеа е одличен тим. По двата порази по ред, за нив не
преостанува ништо друго освен да одиграат цврсто и да направат се за да
ја прекинат серијата од два порази. Од друга страна, ние доаѓаме со две
победи против два одлични тима, со кои ни се врати самодовербата . Мора
да одиграме квалитетен натпревар, да одиграме максимално борбено, само
на тој начин може да очекуваме поволен резултат од ова гостување“,
изјави Кејд Дејвис .
Натпреварот помеѓу Игокеа и МЗТ Скопје Аеродром е закажан за сабота со почеток од 20:15 часот.
