Покровител на Првенството е градоначалникот Александар Петрески, а како посебен куриозитет поврзан со ова државно првенство ќе биде присуството – во улога на почесен гостин – на Бранко ШАШОСКИ, првиот шампион и рекордер на Југославија на Првото првенство на тогашна Југославија што се одржа во Белград пред повеќе од половина век.
51-то Државно Првенство во сериска воздушна пушка за сите категории ќе се одржи на стрелиштето „Бејбунар“. Почетокот е предвиден во 9 часот кога настапуваат стрелците со сериска воздушна пушка во категориите за пионери и пионерки.
Во 10 часот е свеченото отворање на Првенството кога на учесниците ќе им се обрати и градоначалникот Петрески како покровител на Првенството. Натпреварите ќе продолжат со настапите на стрелците во категориите за јуниори и јуниорки, односно сениори и сениорки.
За успешно одржување на првенството формиран е посебен организационен Одбор во кој членува и претседателот на стрелачкиот Клуб „Охрид“, Зоран ШИШКОСКИ.. Раководител на Првенството е Фене КOСТАДИНОВ, а главен судија, Љупчо РАЗМОСКИ.
