До 9 март во Прличевата одаја на НУ Библиотека „Григор Прличев“ во Охрид, ќе може да се посети изложбата на книги од роднокрајни автори родени во март. Јавноста одново може да се запознае со творештвото на Тоде Илиески, Славе Ѓорѓо Димоски, Маринела Јовановиќ, Мито Спасески, Благородна Буџак, Ана Цветаноска, Јане Велјаноски и Левко Андоновски. Изложбата ќе е отворена секој работен ден од 8 и 30 до 18 часот. 
Во петок на 6 март во пресрет на 8 Март – Меѓународниот ден на жената НУ Библиотека „Григор Прличев“ во соработка со Почесниот конзулат на Руската федерација ќе одржи креативна работилница за деца.
Ученици од ООУ „Св. Климент Охридски“ од Охрид – населба Даљан ќе изработуваат честитки за мајките.
OhridNews
