Денот на ослободувањето на Охрид-7-ми Ноември и годинава ќе биде одбележан свечено и достоинствено. Заедно со градот, 7-ми Ноември посебно ќе го празнуваат и децата од детската градинка „Јасна Ристеска“, која годинава одбележува и 45 годишен јубилеј од постоењето.

По тој повод, утре во градинката „Развигорче“ (кај центарот за социална работа) ќе се одржи пригодна свеченост на која градоначалникот Алексанрад Петрески ќе им го честита јубилејот и патрониот празник на децата и вработените во детската градинка, а  како награда за извонредно изработената уметничка поставка „Охридска приказна“  ќе им подари пригоден подарок кој ќе значи подобрување на условите во кои работи оваа градинка, соопшти локалната самоуправа.

Ohridnews