Нови 417 случаи на КОВИД-19 од 2964 тестирања се регистрирани во изминатите 24 часа. Оздравени се 329 пациенти и девет се починати, соопшти Министерството за здравство согласно податоците од Институтот за јавно здравје. Дополнително, пријавено е уште едно починато лице согласно Регистарот на умрени лица со дијагноза КОВИД-19 од Мој термин, со датум на смрт од 24 октомври 2021.
Од новозаразените 417, во Скопје се 155, Прилеп – 31, Куманово и Велес имаат по 26, Кавадарци – 24, Битола и Штип по 17, Крива Паланка – 14, Кочани – 13, Тетово – 11, Охрид и Пробиштип по 10 случаи, Радовиш – седум, Свети Николе, Делчево и Кратово по шест новозаразени, Гевгелија, Ресен, Берово и Демир Хисар по пет, Струмица, Кичево, Неготино, Виница и Македонска Каменица по три, Пехчево – два и еден нов случај има во Крушево.
Од деветемина починати во изминатото деноноќие, по двајца се од Скопје (60г и 64г) и Кочани (45г и 64г) и по едно починато лице од Куманово (75г), Тетово (79г), Штип (66г), Битола (82г) и Крива Паланка (38г). Сите се починати во болнички услови. Согласно Регистарот на умрени лица со дијагноза КОВИД-19 од Мој термин, пријавено е починато лице на возраст од 84 години, со датум на смрт од 24 октомври 2021, починат во болнички услови.
Вкупниот број на КОВИД-дијагностицирани лица во нашата земја од почетокот на епидемијата достигна 201 708 од направени 1 378 530 тестирања. Оздравени се 188 024 пациенти, починати 7108, а активни случаи во државата има 6576.
